અનંત અંબાણી અને રાધિકા મર્ચન્ટના પહેલા પ્રી-વેડિંગ ફંક્શનની ચર્ચાઓ હજુ પૂરી થઈ નહોતી અને હવે અંબાણી પરિવારે બીજા પ્રી-વેડિંગ ફંક્શનનું આયોજન કર્યું છે. જામનગરમાં પ્રથમ પ્રિ-વેડિંગ ફંક્શન બાદ હવે વિદેશમાં બીજુ પ્રિ-વેડિંગ ફંક્શન થઈ રહ્યું છે. અનંત અંબાણી અને રાધિકા મર્ચન્ટનું પ્રી-વેડિંગ ફંક્શન આજથી ઈટાલીમાં ભવ્ય અંદાજમાં શરૂ થઈ ગયું છે. અંબાણી પરિવારના મહેમાનોનું દરિયા કિનારે અને ક્રુઝ પર સ્વાગત કરવામાં આવી રહ્યું છે.આ વખતે પણ આ ભવ્ય ઉત્સવ કાર્યક્રમમાં બોલિવૂડ સ્ટાર્સ અને હોલીવુડ સ્ટાર્સ આવી રહ્યા છે અને મેળાવડામાં આકર્ષણ જમાવવાની સંપૂર્ણ તૈયારીઓ છે. ખાસ શૈલીમાં આયોજિત આ બીજા પ્રી-વેડિંગ ફંક્શનમાં પણ છેલ્લી વખતની જેમ થીમ આધારિત રાખવામાં આવી છે અને તે ચાર દિવસ સુધી ચાલશે. આ સેલિબ્રેશનની પહેલી ઝલક સામે આવી છે, જે બોલીવુડની દરેક પાર્ટીમાં હાજરી આપનાર ઓરી દ્વારા શેર કરવામાં આવી છે.
ઓરીએ તેની ઈન્સ્ટાગ્રામ સ્ટોરી પર ઘણી તસવીરો શેર કરી છે, જે બીચ વ્યૂની છે. પ્રથમ તસવીરમાં ઈટાલીના પોએટો બીચનો નજારો જોઈ શકાય છે. તસવીર જોઈને સ્પષ્ટ થાય છે કે આ એક પ્રાઈવેટ બીચ એરિયા છે, જ્યાં દૂર દૂર સુધી કોઈ દેખાતું નથી. બીજા ચિત્રમાં પણ એ જ જગ્યાનો નજારો અલગ-અલગ ખૂણેથી દેખાય છે. ત્રીજી તસવીર ક્રૂઝની અંદરના રૂમની છે. જેમાં આરામદાયક બેડ દેખાય છે. આ રૂમમાંથી બીચનો નજારો જોઈ શકાય છે. આ નજારો માણવા માટે બેસવાની જગ્યા પણ તૈયાર કરવામાં આવી છે. બધા સફેદ રૂમ અદ્ભુત છે. આ રૂમની એક ઝલક મેળવતા પહેલા જ ઓરીએ એક તસવીર ખેંચી લીધી હતી. શેર કર્યું હતું, જેમાં અસ્ત થતા સૂર્યની ઝલક સાથે જામ અને હુક્કાના ગ્લાસ જોવા મળ્યા હતા. આ તસવીર પણ ક્રૂઝ વ્યૂની હતી.
