ગુજરાતના ઘણા ભાગોમાં મહત્તમ તાપમાન 40 ડિગ્રીની આસપાસ રહી શકે છે. કચ્છમાં મહત્તમ તાપમાન પણ 39 થી 40 ડિગ્રીની આસપાસ રહેવાની શક્યતા છે. ઉત્તર સૌરાષ્ટ્રના કેટલાક વિસ્તારોમાં તાપમાનનો પારો 39 થી 40 ડિગ્રીની આસપાસ રહી શકે છે. આ ઉપરાંત મધ્ય ગુજરાતના કેટલાક વિસ્તારોમાં મહત્તમ તાપમાન 41 ડિગ્રી સુધી પહોંચી શકે છે. એપ્રિલ મહિનામાં રાજ્યના કેટલાક ભાગોમાં કમોસમી વરસાદ પડી શકે છે. રાજ્યમાં 19 એપ્રિલ પછી ગરમી વધી શકે છે. 10 મેની આસપાસ દરિયાકાંઠે જોરદાર પવન ફૂંકાવાની શક્યતા છે. તેજ પવન સાથે ભારે તોફાન આવવાની પણ શક્યતા છે. તમને જણાવી દઈએ કે, હવામાન વિભાગે 20 માર્ચથી આકરી ગરમી પડવાની સંભાવના વ્યક્ત કરી છે.
હવામાનશાસ્ત્રીઓએ આગાહી કરી છે કે રાજ્યમાં 21 થી 23 માર્ચ દરમિયાન ગરમી વધી શકે છે.
યલો હીટ વેવ એલર્ટ જારી
હવામાન વિભાગની આગાહી મુજબ ગુજરાતના કેટલાક વિસ્તારોમાં આકરી ગરમી પડશે. કચ્છમાં આકરી ગરમીની અસર હજુ યથાવત રહેવાની શક્યતા છે. હવામાન વિભાગે કચ્છના કેટલાક વિસ્તારોમાં ઓરેન્જ એલર્ટ પણ જાહેર કર્યું છે. દીવમાં હીટ વેવની ચેતવણી અને યલો એલર્ટ પણ જારી કરવામાં આવ્યું છે. ગુજરાતના દરિયાકાંઠાના વિસ્તારોમાં અગવડતા જોવા મળી શકે છે.
