Zara Hatke: ઉત્તર પ્રદેશના પ્રયાગરાજમાંથી એક ચોંકાવનારો કિસ્સો સામે આવ્યો છે. અહીં ડોક્ટરોએ ઓપરેશન પછી એક યુવતીના પેટમાંથી અડધા કિલો વાળનો ગુચ્છો કાઢ્યો છે. અત્રે એ ઉલ્લેખનીય છે કે યુવતીને બાળપણથી જ વાળ ખાવાની આદત પડી ગઈ હતી. યુવતી તેની માતા અને બહેનોના વાળ તોડીને ખાતી હતી.
યુવતી કૌશાંબી જિલ્લાની રહેવાસી છે અને તેનું નામ મંજુ છે. યુવતી 21 વર્ષની છે. તે જિલ્લાના અંડવા પશ્ચિમ શારીરા સરસવાની રહેવાસી છે. તે બાળપણથી જ માનસિક તણાવ અને વર્તણૂકીય વિકારથી પીડાતી હતી. માનસિક અસંતુલનને કારણે યુવતીને વાળ ખાવાની આદત પડી ગઈ હતી.
યુવતી ઘણીવાર તેની માતા અને બહેનોના વાળ તોડીને ખાતી હતી. આ કારણે ધીમે ધીમે તેના પેટમાં વાળનો ગઠ્ઠો બની ગયો. યુવતીને પેટમાં તીવ્ર દુખાવો અને ઉલટી થવા લાગી. તેને ભૂખ પણ નહોતી લાગતી અને તેનું વજન ઝડપથી ઘટવા લાગ્યું. યુવતીના પરિવારે તેને ઘણી હોસ્પિટલોમાં લઈ ગયા. ઘણા અલ્ટ્રાસાઉન્ડ અને પરીક્ષણો છતા પણ, રોગ શોધી શકાયો નહીં.
કોઈ પણ ડોક્ટર યુવતીનું ઓપરેશન કરવા માટે સંમત ન થયા. અંતે, યુવતીના પરિવારજનો તેને પ્રયાગરાજની નારાયણ સ્વરૂપ હોસ્પિટલમાં લઈ ગયા. હોસ્પિટલના નિષ્ણાત ડોક્ટરોની એક ટીમે યુવતીનું સફળતાપૂર્વક ઓપરેશન કર્યું અને તેના પેટમાંથી વાળનો ગઠ્ઠો કાઢ્યો. ડોક્ટરોના મતે, વાળનો ગઠ્ઠો લગભગ અડધો કિલો વજનનો છે, 1.5 ફૂટ લાંબો અને 10 સેન્ટિમીટર જાડો છે.
