India Pakistan War – એશિયાની બે પરમાણુ શક્તિઓ વચ્ચેનો તણાવ ખતરનાક તબક્કે પહોંચી ગયો છે. સરહદ પારથી થતી આક્રમક કાર્યવાહીના જવાબમાં, ભારતે પાકિસ્તાન સામે નિર્ણાયક હુમલો કર્યો છે. અહેવાલો અનુસાર, ભારતની જવાબી કાર્યવાહીમાં, ઇસ્લામાબાદ નજીક એક મોટો વિસ્ફોટ થયો, જે વડા પ્રધાન શાહબાઝ શરીફના નિવાસસ્થાનથી લગભગ 20 કિલોમીટરના અંતરે નોંધાયો હતો.
ગુરુવારે સાંજે, પાકિસ્તાને અનેક ભારતીય શહેરોને નિશાન બનાવ્યા બાદ, ભારતીય દળો – સેના, વાયુસેના અને નૌકાદળ – એ સંયુક્ત રીતે પાકિસ્તાની લશ્કરી સ્થાપનો પર હુમલા શરૂ કર્યા. પાકિસ્તાનના સૈન્ય અને નૌકાદળના ઠેકાણાઓને નિશાન બનાવવામાં આવ્યા હતા, જેના કારણે સમગ્ર દેશમાં ગભરાટનું વાતાવરણ સર્જાયું હતું.
પાકિસ્તાની અધિકારી વિદેશ ભાગી જવાનો પ્રયાસ કરી રહ્યો છે
ભારતના હુમલા બાદ પાકિસ્તાનમાં ગભરાટનો માહોલ છે. સૂત્રોના જણાવ્યા અનુસાર, ઘણા વરિષ્ઠ સરકારી અધિકારીઓ એરપોર્ટની આસપાસ જોવા મળ્યા છે, જેઓ શક્ય તેટલી વહેલી તકે દેશ છોડવાનો પ્રયાસ કરી રહ્યા છે.
