Vijay Deverakonda Rashmika Mandanna: વિજય દેવરકોંડાનું નામ સાઉથ ઇન્ડસ્ટ્રીના ટોચના સ્ટાર્સની યાદીમાં સામેલ છે. જોકે, વિજય તેના કામ કરતાં તેના પ્રેમ જીવન માટે વધુ સમાચારમાં રહે છે. અહેવાલો અનુસાર, તે રશ્મિકા મંદાના સાથે રિલેશનશિપમાં છે. આ દરમિયાન, અભિનેતાએ તેના લગ્ન યોજનાઓ વિશે એક ચોંકાવનારો ખુલાસો કર્યો અને કહ્યું કે તે હાલમાં જીવનસાથી શોધી રહ્યો નથી.
રશ્મિકા મંદાનાને ડેટ કરવા વિશે વિજય દેવરાકોંડાએ શું કહ્યું?
વિજય દેવરકોંડાએ ફિલ્મફેર સાથે વાત કરતા પોતાના પ્રેમ જીવન વિશે ખુલાસો કર્યો. જ્યારે તેમને પૂછવામાં આવ્યું કે શું તે કોઈ સંબંધમાં છે, ત્યારે અભિનેતાએ જવાબ આપ્યો, “અંદરના લોકોને પૂછો.” જ્યારે રશ્મિકા સાથેની તેની ઓન-સ્ક્રીન કેમેસ્ટ્રી વિશે પૂછવામાં આવ્યું. તો તેણે કહ્યું, “મેં રશ્મિકા સાથે વધુ ફિલ્મો નથી કરી, મારે આ કરવી જોઈએ. કારણ કે તે એક મહાન અભિનેત્રી અને સુંદર સ્ત્રી છે. તેથી કેમેસ્ટ્રીની કોઈ સમસ્યા ન હોવી જોઈએ.”
વિજયે બતાવી રશ્મિકા મંદાનાની બેસ્ટ ક્વોલીટી
વિજયે વધુમાં ઉમેર્યું, “તે ખૂબ જ મહેનતુ છે. તે પોતાની ઇચ્છાશક્તિ અને દૃઢ નિશ્ચયથી કોઈપણ બાબતને પાર કરી શકે છે. તે ખૂબ જ દયાળુ પણ છે અને પોતાના કરતાં બીજાની ખુશીને પ્રાથમિકતા આપે છે.”
આ ફિલ્મમાં વિજય-રશ્મિકા જોવા મળ્યા હતા સાથે
વર્કફ્રન્ટની વાત કરીએ તો, વિજય છેલ્લે ‘ધ ફેમિલી સ્ટાર’માં જોવા મળ્યો હતો. તમને જણાવી દઈએ કે રશ્મિકા અને વિજયના ડેટિંગના સમાચાર ત્યારે શરૂ થયા જ્યારે બંનેને લંચ અને વેકેશનમાં ઘણી વખત સાથે જોવામાં આવ્યા હતા. થોડા સમય પહેલા, રશ્મિકાના જન્મદિવસ પર, બંનેએ સાથે ગુપ્ત વેકેશન માણ્યું હતું. બંનેનું રહસ્ય ત્યારે ખુલ્યું જ્યારે ફેંસને એક જ જગ્યાએથી તેમના ફોટા મળ્યા. પરંતુ હજુ સુધી રશ્મિકા અને વિજયે એકબીજાને ડેટ કરવા અંગે કોઈ પ્રતિક્રિયા આપી નથી.
