Haryana election 2024- હરિયાણા વિધાનસભા ચૂંટણી પ્રચાર દરમિયાન જલેબી ચર્ચાનો મુખ્ય વિષય બની હતી. ભાજપની મોટી જીત બાદ હરિયાણા ભાજપે પોતાના નેતાના સત્તાવાર નિવાસસ્થાને એક કિલો જલેબી મોકલી હતી. નોંધનીય છે કે ગોહાના રેલી દરમિયાન સ્થાનિક મીઠાઈની દુકાનની જલેબી પર તેમની ટિપ્પણી વાયરલ થઈ હતી.
રાહુલ ગાંધી પર કટાક્ષ કરતા હરિયાણા ભાજપે કહ્યું કે તેઓએ રાહુલ ગાંધીના ઘરે જલેબીનું બોક્સ મોકલવા માટે ઓનલાઈન ઓર્ડર આપ્યો છે. ફૂડ એગ્રીગેટર એપના સ્નેપશોટ પરથી જાણવા મળ્યું છે કે દિલ્હીના કનોટ પ્લેસ, 24, અકબર રોડ ખાતેની લોકપ્રિય દુકાનમાંથી એક કિલો જલેબી મંગાવવામાં આવી હતી. હરિયાણા બીજેપીએ ટ્વિટર પર પોસ્ટ કર્યું કે, “હરિયાણાના તમામ ભાજપના કાર્યકરો વતી રાહુલ ગાંધીના ઘરે જલેબી મોકલવામાં આવી છે.”
