Harsh Sanghavi
Harsh Sanghavi: ગુજરાતની રાજનીતિમાં હર્ષ સંઘવી ગુજરાતની રાજનીતિમાં હર્ષ સંઘવીનુ નામ હવે કોઈ પરિચયની જરૂર નથી બાંગ્લાદેશી ઘુસણખોરો પર સતત બુલડોઝર એક્શન, સખત પ્રશાસનિક વલણ અને યુવાઓ વચ્ચે લોકપ્રિય છબિ આ બધાએ તેમને રાજ્યની રાજનીતિનો ઉભરતો સિતારો બનાવી દીધો છે. હવે તેઓ ગુજરાતના ઉપમુખ્યમંત્રી બની ગયા છે. જે તેમના ઝડપથી વધતા રાજનીતિક યાત્રાની મોટી ઉપલબ્ધિ માનવામાં આવી રહી છે.
ઓછી વયમાં મોટી શરૂઆત
8 જાન્યુઆરી, 1985 ના રોજ જન્મેલા હર્ષ સંઘવીએ ખૂબ જ નાની ઉંમરે રાજકારણમાં પ્રવેશ કર્યો હતો. માત્ર ૧૫ વર્ષની ઉંમરે, તેમણે એક વિદ્યાર્થી સંગઠનમાં જોડાઈને પોતાની રાજકીય સફર શરૂ કરી હતી. યુવા સક્રિયતા અને નેતૃત્વ કૌશલ્યના બળે, તેઓ ટૂંક સમયમાં ભારતીય જનતા યુવા મોરચા (BJYM) માં એક મુખ્ય વ્યક્તિ બની ગયા.
27 ની વયમાં સૌથી યુવા ધારાસભ્ય
ત્યારબાદ વર્ષ 2012માં હર્ષ સંઘવીએ પહેલીવાર સૂરતની મજૂરા સીટ પરથી ચૂંટણી જીતી અને 27 વર્ષની વયે ગુજરાત વિધાનસભાના સૌથી યુવા ધારાસભ્ય બન્યા. તેમણે 2017 અને 2022 ની ચૂંટણીમાં પણ પોતાની જીતનું પુનરાવર્તન કર્યું. 2022 માં, તેમણે આમ આદમી પાર્ટીના ઉમેદવાર કરતાં 1.16 લાખથી વધુ મતોના મોટા માર્જિનથી જીત મેળવી.
ઝડપથી આગળ વધતુ રાજનીતિક કેરિયર
હર્ષ સંઘવીને 2021 માં રાજ્યના ગૃહ રાજ્ય મંત્રી બનાવવામાં આવ્યા હતા. આ એ જ વિભાગ છે જેને પહેલા અમિત શાહ અને પ્રદીપસિંહ જડેજા જેવા મોટા નેતાઓને સાચવ્યા હતા. 36 વર્ષની વયમાં તે ગુજરાતના સૌથી યુવા ગૃહ રાજ્યમંત્રી બન્યા. પોતાના સખત વહીવટી નિર્ણયો અને ઝડપથી કામ કરવાના તેમના અંદાજે તેમને ગુજરાતના આગામી અમિત શાહ ની છબિ અપાવી.
કડક નિર્ણયો કરીને બનાવી અલગ ઓળખ
સંઘવીએ કાયદો અને વ્યવસ્થા અંગે અનેક કડક પગલાં લીધાં. રાંદેરમાં ગેરકાયદેસર બાંગ્લાદેશી વસાહતો સામે 2025માં બુલડોઝર કાર્યવાહી, ડ્રગ હેરફેરના મોટા કેસોનો પર્દાફાશ અને “ક્લીન તાપી” અભિયાન જેવા પગલાંએ તેમનુ કાર્યકાળર ચર્ચામાં રાખ્યુ. તેઓ યુવાનોમાં પણ લોકપ્રિય હતા, રોજગાર મેળાઓ અને પ્રેરક અભિયાનો દ્વારા તે યુવાઓને જોડવાનો પ્રયાસ કરતા હતા.
ભવિષ્યના નેતાના રૂપમાં જોવામાં આવી રહ્યા છે
હર્ષ સંઘવીએ બીજેપી નેતૃત્વ વિશેષ રૂપથી પ્રધાનમંત્રી નરેન્દ્ર મોદી, ગૃહ મંત્રી અમિત શાહ અને રાજ્ય અધ્યક્ષ સી.આર પાટિલ સંગઠન અને પ્રશાસન બંનેમાં સક્ષમ માને છે. એવું માનવામાં આવે છે કે જો ભાજપ 2027 માં સત્તામાં પાછી આવે છે, તો તેમને મુખ્યમંત્રી પદની મહત્વપૂર્ણ જવાબદારી સોંપવામાં આવી શકે છે.
રાજકારણમાં એક યુવા ચહેરો
આજે, 40 વર્ષની ઉંમરે, હર્ષ સંઘવી ગુજરાતના નાયબ મુખ્યમંત્રી બન્યા છે. તેમની વાર્તા ફક્ત એક રાજકીય સફર નથી, પરંતુ તે દર્શાવે છે કે સમર્પણ, દ્રઢતા અને જનતા સાથેનું જોડાણ કેવી રીતે એક યુવાન વ્યક્તિને રાજ્યમાં સત્તાના શિખર પર પહોંચાડી શકે છે.
