Beti Bachao Beti Padhao scheme
‘બેટી બચાવો બેટી પઢાઓ’ અભિયાનના 11 વર્ષ પૂરા થવા પર PM મોદીએ એક ખાસ પોસ્ટ કરી છે. પ્રધાનમંત્રી મોદીએ દેશવાસીઓને સુભાષિતનો એક શ્લોક યાદ અપાવ્યો. જેમા કહેવામાં આવ્યુ છે કે એક કન્યા 10 પુત્રો સમાન હોય છે. જે પુણ્યફળ એક વ્યક્તિને 10 પુત્રોના પાલન પોષણથી મળે છે, એ જ ફળ તેને ફક્ત એક કન્યાના પાલન-પોષણથી મળે છે. જાણો સોશિયલ મીડિયા પ્લેટફ્રોમ એક્સ પર કરવામા આવેલ પોસ્ટ પર PM મોદીએ શુ કહ્યુ ?
બેટી બચાવો અભિયાનની એનિવર્સરી પર ખાસ પોસ્ટ
PM મોદીએ પોસ્ટ કરી, કન્યા ને લક્ષ્મી માનનારા અમારા દેશમાં 11 વર્ષ પહેલા આજના જ દિવસથી બેટી બચાવો બેટી પઢાઓ અભિયાનની શરૂઆત થઈ હતી. આ ખૂબ ગર્વની વાત છે કે આજે ભારતની પુત્રીઓ દરેક ક્ષેત્રમા રોજ નવા રેકોર્ડ બનાવી રહી છે. “દશપુત્રસમા કન્યા દશપુત્રાન પ્રવર્ઘયન | યત ફલમ લભતે મર્ત્યસ્તલ્લભ્યં કન્યયૈક્યા |”
શેયર કરેલા વીડિયોમાં શું છે ખાસ ?
પ્રધાનમંત્રી મોદીએ આ પોસ્ટ સાથે એક વીડિયો પણ શેર કર્યો છે, જેમાં સંસ્કૃત લખાણ “દશપુત્રસમા કન્યા દશપુત્રાણ પ્રવર્ધ્યાન. યત ફલમ લભતે મર્ત્યસ્તલ્લભ્યમ કન્યાયકાય” દર્શાવવામાં આવ્યું છે. ત્યારબાદ તેનો અર્થ હિન્દી અને અંગ્રેજી બંનેમાં સમજાવવામાં આવ્યો છે.
“બેટી બચાવો બેટી પઢાઓ અભિયાન” શું છે?
“બેટી બચાવો, બેટી પઢાઓ” એ ભારતની કેન્દ્ર સરકારનું એક સામાજિક અભિયાન છે, જે 22 જાન્યુઆરી, 2015 ના રોજ શરૂ થયું હતું. તેનો મુખ્ય ઉદ્દેશ્ય છોકરીઓના અસ્તિત્વ, શિક્ષણ અને સલામતીને સુનિશ્ચિત કરવાનો અને લિંગ સમાનતાને પ્રોત્સાહન આપવાનો છે. ખાસ કરીને ભારતના ઓછા બાળ લિંગ ગુણોત્તરવાળા જિલ્લાઓમાં જાગૃતિ અને કલ્યાણકારી સેવાઓ પર ધ્યાન કેન્દ્રિત કરવામાં આવ્યું છે.
સોશિયલ મીડિયા નેટીઝન્સે પ્રશંસા કરી
પીએમ મોદીની પોસ્ટને સોશિયલ મીડિયા પ્લેટફોર્મ ઇન્સ્ટાગ્રામ પર વ્યાપક પ્રશંસા મળી રહી છે. એક ઇન્સ્ટાગ્રામ યુઝરે લખ્યું, “જ્યારે દીકરીઓને તકો મળે છે, ત્યારે દેશનું ભવિષ્ય મજબૂત બને છે.” બેટી બચાવો, બેટી પઢાઓ એ ભારત માટે એક નવી દિશા નક્કી કરી છે.’ બીજા એક નેટીઝને લખ્યું, ‘દીકરીઓ સૌથી કિંમતી આશીર્વાદ અને શક્તિનું સ્વરૂપ છે. શિક્ષિત દીકરી એ વિકસિત ભારત અને સંસ્કારી અને મજબૂત સમાજનો પાયો છે.’
