બુધવારે સંસદમાં વિપક્ષી નેતા રાહુલ ગાંધી અને કેન્દ્રીય મંત્રી રવનીત સિંહ બિટ્ટુ વચ્ચે ઉગ્ર બોલાચાલી થઈ. રાહુલ ગાંધીએ બિટ્ટુ પર આકરા પ્રહારો કર્યા અને તેમને “ગદ્દાર” ગણાવ્યા, જેના પર ભાજપ નેતાએ તીખો જવાબ આપ્યો. રવનીત બિટ્ટુએ આકરા પ્રત્યુત્તર આપતા કહ્યું કે તેમનો “દેશના દુશ્મનો” સાથે કોઈ સંબંધ નથી.
રાહુલ ગાંધીએ કહ્યું, “મારા ગદ્દાર મિત્ર. ચિંતા ના કર, તું કોંગ્રેસમાં પાછો આવીશ.”
અહેવાલો અનુસાર, જ્યારે કેન્દ્રીય રાજ્યમંત્રી રવનીત સિંહ બિટ્ટુ મકર દ્વાર ખાતે વિરોધ કરી રહેલા કોંગ્રેસના સાંસદો પાસેથી પસાર થયા, ત્યારે લોકસભામાં વિરોધ પક્ષના નેતા રાહુલ ગાંધીએ કહ્યું, “જુઓ, એક દેશદ્રોહી ત્યાંથી પસાર થઈ રહ્યો છે. તેનો ચહેરો જુઓ…” બિટ્ટુને હાથ મિલાવતા રાહુલ ગાંધીએ કહ્યું, “નમસ્તે, ભાઈ, મારા ગદ્દાર મિત્ર. ચિંતા ના કર, તું (કોંગ્રેસમાં) પાછો આવીશ.”
