Tamil Nadu Fire in Hospital
Tamil Nadu Fire in Hospital તમિલનાડુના ડિંડીગુલ જિલ્લામાં ગુરુવારે એક ખાનગી હોસ્પિટલમાં આગ લાગતા એક સગીર સહિત છ લોકોના મોત થયા હતા. પોલીસ અને ફાયર વિભાગના અધિકારીઓએ આ જાણકારી આપી. અધિકારીઓએ જણાવ્યું કે તમામ લોકો લિફ્ટમાં બેભાન અવસ્થામાં મળી આવ્યા હતા
ગૂંગળામણને કારણે મૃત્યુ પામ્યા
અધિકારીઓએ જણાવ્યું કે તેને અન્ય હોસ્પિટલમાં લઈ જવામાં આવ્યો, જ્યાં ડોક્ટરોએ તેને મૃત જાહેર કર્યો. અધિકારીઓએ જણાવ્યું હતું કે લોકોનું મોત ગૂંગળામણને કારણે થયું હતું અને અગ્નિશામકો અને બચાવ ટીમે હોસ્પિટલમાંથી લગભગ 30 દર્દીઓને બહાર કાઢ્યા બાદ તેમને લિફ્ટની અંદર શોધી કાઢ્યા હતા.
શોર્ટ સર્કિટના કારણે આગ લાગી
અધિકારીઓએ જણાવ્યું કે બહાર કાઢવામાં આવેલા દર્દીઓને જિલ્લાની સરકારી હોસ્પિટલમાં દાખલ કરવામાં આવ્યા છે. પ્રાથમિક તપાસને ટાંકીને પોલીસે જણાવ્યું હતું કે સંભવતઃ શોર્ટ સર્કિટના કારણે આગ લાગી હતી. સોશિયલ મીડિયા પર વાયરલ થયેલા વીડિયોમાં બિલ્ડિંગમાં આગ લાગી હતી અને ત્યાંથી ધુમાડો નીકળતો જોવા મળ્યો હતો. આગ ઓલવવા માટે ફાયર એન્જિન તૈનાત કરવામાં આવ્યા હોવાનું પણ દર્શાવવામાં આવ્યું છે.
દર્દીઓને અન્ય હોસ્પિટલમાં ખસેડવામાં આવ્યા ડિંડીગુલના જિલ્લા કલેક્ટર એમએન પૂંગોડીએ કહ્યું, ‘હોસ્પિટલમાં આગ ખૂબ જ ગંભીર હતી. ગૂંગળામણને કારણે 6 દર્દીઓએ જીવ ગુમાવ્યા. બાકીના દર્દીઓને બચાવી લેવાયા છે. તેમને નજીકની સરકારી અને ખાનગી હોસ્પિટલમાં દાખલ કરવામાં આવ્યા છે.
અનેક ફાયર એન્જિનોએ આગને કાબુમાં લીધી
પોલીસની પ્રાથમિક તપાસમાં આગ વીજ શોર્ટ સર્કિટના કારણે લાગી હોવાનું અનુમાન છે. સામે આવેલા વીડિયોમાં હોસ્પિટલમાંથી ધુમાડો અને જ્વાળાઓ નીકળતી જોવા મળી રહી છે. આગ પર કાબૂ મેળવવા માટે મોટી સંખ્યામાં ફાયર એન્જિન તૈનાત કરવામાં આવ્યા હતા.
