Weather updates- આ વર્ષે અત્યાર સુધીમાં દેશભરમાં સારો વરસાદ થયો છે. ઓગસ્ટના છેલ્લા 20 દિવસ દરમિયાન ઉત્તર-પશ્ચિમ ભારતમાં ચોમાસું સંપૂર્ણપણે સક્રિય રહ્યું હતું. ભારતીય હવામાન વિભાગ (IMD)ના ડેટા અનુસાર, આ સમયગાળા દરમિયાન સમગ્ર દેશમાં 7.3% વધુ વરસાદ નોંધાયો હતો.
IMDએ કહ્યું, હવે ક્યાં વરસાદ પડશે
હવામાન વિભાગના અધિકારીઓના જણાવ્યા અનુસાર દક્ષિણ-પશ્ચિમના પવનો અરબી સમુદ્રમાંથી ભેજને ચોમાસામાં મોકલી રહ્યા છે. જેના કારણે હિમાચલ પ્રદેશ, દિલ્હી, મધ્યપ્રદેશ, હરિયાણા, રાજસ્થાન અને ઉત્તરાખંડ સહિત ઉત્તર ભારતમાં રવિવાર અને સોમવારે ભારે વરસાદ થયો હતો. મંગળવારે મધ્ય બાંગ્લાદેશમાં નીચા દબાણનું ક્ષેત્ર વિકસિત થયું છે. તે પશ્ચિમ બંગાળ ઉપર ઉત્તર-પશ્ચિમ તરફ આગળ વધવાની ધારણા છે, જેના કારણે પૂર્વ ભારતમાં ભારે વરસાદ થશે. ત્યારબાદ આ લો પ્રેશર વિસ્તાર ઝારખંડ, બિહાર અને ઉત્તર પ્રદેશને પાર કરશે. આવી સ્થિતિમાં ઉત્તર ભારતમાં ભારે વરસાદ પડશે. હિમાચલ પ્રદેશ, દિલ્હી, મધ્યપ્રદેશ, હરિયાણા, મરાઠવાડા, બિહાર, તમિલનાડુ, આંતરિક કર્ણાટક અને તટીય આંધ્ર પ્રદેશમાં ભારે વરસાદ થવાની છે.
