જંગલી પિક્ચર્સે ઇન્સોમ્નિયા ફિલ્મ્સ અને બાવેના સ્ટુડિયો સાથે મળીને પોતાની નવી ફિલ્મ ‘હક’ ની જાહેરાત કરી છે. આ એક દમદાર ડ્રામા છે, જે મોહમ્મદ અહમદ ખાન વર્સેસ શાહ બાનો બેગમ કેસમાં સુપ્રીમ કોર્ટના ઐતિહાસિક ચુકાદાથી પ્રેરિત છે. ફિલ્મમાં યામી ગૌતમ ધર અને ઇમરાન હાશમી મુખ્ય ભૂમિકામાં છે, અને તેનું દિગ્દર્શન સુપર્ણ એસ. વર્માએ કર્યું છે.
આ ફિલ્મ 7 નવેમ્બરે સિનેમાઘરોમાં રિલીઝ થશે અને આજે તેનો ટીઝર જાહેર કરવામાં આવ્યો છે.
આ ફિલ્મ પર્સનલ લૉ અને સેક્યુલર લૉ વચ્ચેની ચર્ચા આગળ મૂકે છે.
‘હક’, જિગ્ના વોરા દ્વારા લખાયેલી ‘બાનો: ભારતની દીકરી’ નામની પુસ્તક પર આધારિત એક કલ્પિત અને નાટકીય કહાની છે. શાહ બાનો બેગમ 80ના દાયકામાં પુરુષપ્રધાન સમાજમાં પોતાના સ્વાભિમાન અને હક માટે લડી હતી. ચાર દાયકાથી વધુ પહેલાં શરૂ થયેલી આ ચર્ચા આજે પણ આપણા સમાજમાં પ્રાસંગિક છે: શું ન્યાયનો અવસર સૌને સમાન મળવો જોઈએ નહીં? શું હવે એક દેશ, એક કાયદાનો સમય આવી ગયો છે? આપણે વ્યક્તિગત આસ્થા અને ધર્મનિરપેક્ષ કાયદા વચ્ચેની રેખા ક્યાં દોરીએ? શું સમાન નાગરિક સંહિતા (UCC) હોવી જોઈએ?
જંગલી પિક્ચર્સ હંમેશાં એવી ફિલ્મો બનાવે છે, જે કંઈક અલગ હોય છે અને સમાજના નિયમોને પડકારતી હોય છે. તેમની ફિલ્મોમાં બેબાકપણું અને સાહસ જોવા મળે છે. ‘રાજી’, ‘તલવાર’ અને ‘બધાઈ દો’ જેવી શાનદાર ફિલ્મો બાદ, આ સ્ટુડિયો એક વધુ રસપ્રદ અને દમદાર કહાની લઈને આવ્યો છે, જે દર્શકોને જરૂર ગમશે. ‘હક’ યામી ગૌતમ ધર માટે *‘આર્ટિકલ 370’*માં તેમના શાનદાર અભિનય બાદની સિનેમા જગતમાં આગલી મોટી દસ્તક છે.
‘હક’માં તેઓ એવી પ્રેરણાદાયક મુસ્લિમ સ્ત્રીની ભૂમિકામાં છે, જે અન્યાય સામે ઝુકવા ઇનકાર કરે છે. ખોટી રીતે છોડી દેવામાં આવેલ અને બેસહારા થયેલી, તે પોતાના અને પોતાના બાળકો માટે કલમ 125 હેઠળ પોતાના ‘હક’ની માંગણી સાથે કોર્ટમાં મોટી લડત લડે છે. યામી ગૌતમ ધર અને ઇમરાન હાશમી આ ફિલ્મમાં પહેલી વાર સાથે આવી રહ્યા છે. તેમાં ઇમરાન હાશમી એક સમજદાર અને જાણીતા વકીલની ભૂમિકામાં છે, જ્યારે યામી એવી લડતનું નેતૃત્વ કરે છે, જે સમાજને વિચારવા મજબૂર કરે છે કે તેઓ કઈ બાજુ છે.
‘હક’ એક પ્રેમ કહાની તરીકે શરૂ થાય છે અને પતિ-પત્ની વચ્ચેના ખાનગી વિવાદથી આગળ વધીને એક ઉશ્કેરતા વિષય પર ચર્ચા બની જાય છે, જે આજે પણ ઉકેલની માંગણી કરે છે. આ એક કોર્ટરૂમ બેટલ છે, જે આસ્થા, ઓળખ, ઉદારવાદ, વ્યક્તિગત વિશ્વાસ અને અંતે નીતિ તથા કાયદા—અર્થાત સમાન નાગરિક સંહિતા (UCC), અનુચ્છેદ 44 હેઠળના મોટા પ્રશ્નોને ઉજાગર કરે છે.
એક માતાનું સાચું અને અડગ સાહસ જ ‘હક’ નું હૃદય છે. આ એક ખૂબ જ રોમાંચક અને અપ્રત્યાશિત ફિલ્મ છે, જેમાં અનેક ચોંકાવનારા વળાંકો, લાગણીઓ અને ડ્રામા ભરેલા છે.
‘હક’ 7 નવેમ્બર 2025ના રોજ સિનેમાઘરોમાં રિલીઝ થશે. આજના શ્રેષ્ઠ દિગ્દર્શકોમાંથી એક, સુપર્ણ એસ. વર્મા (‘સિર્ફ એક બંદા કાફી હૈ’, ‘ધ ફેમિલી મેન’, ‘રાણા નાયડુ’)એ તેનું દિગ્દર્શન કર્યું છે, જ્યારે રેશુ નાથે તેને લખી છે. ફિલ્મની શ્રેષ્ઠ કાસ્ટમાં શિબા ચડ્ડા, દાનિશ હુસૈન અને અસીમ હટ્ટાંગડી જેવા અનુભવી કલાકારો પણ સામેલ છે.
