Dhoni-Kohli VIDEO: મહેન્દ્ર સિંહ ધોની અને વિરાટ કોહલી વચ્ચેની દોસ્તી ખૂબ જાણીતી છે. “કિંગ” કોહલીના સાથી ખેલાડીઓ તેને તેના ઉપનામથી બોલાવતા હતા, પરંતુ માહી હંમેશા તેને મેદાન પર “ચીકુ” કહીને બોલાવ. ધોની આંતરરાષ્ટ્રીય ક્રિકેટમાંથી નિવૃત્તિ લઈ ચૂક્યો છે, જ્યારે કોહલી તેની કારકિર્દીના અંતિમ તબક્કામાં છે. બંને ખેલાડીઓએ લાંબા સમયથી ડ્રેસિંગ રૂમ શેર કર્યો નથી. આ હોવા છતાં, તેમની મિત્રતા યથાવત છે.
ગુરુવારે (27 નવેમ્બર) જ્યારે વિરાટ કોહલી રાંચી પહોંચ્યો, ત્યારે તેના ખાસ મિત્રએ તેને પોતાના ઘરે રાત્રિભોજન માટે આમંત્રણ આપ્યું. ત્યાં ઋષભ પંત પણ જોવા મળ્યો હતો, જેના વીડિયો સોશિયલ મીડિયા પર ઝડપથી વાયરલ થઈ રહ્યા છે. વાયરલ વીડિયોમાં, ધોની પોતે કોહલીને ગાડી ચલાવતો જોઈ શકાય છે
ફેબ્રુઆરી 2024 માં છેલ્લીવાર ઈંટરનેશનલ મેચ રમી હતી
રાંચીમાં અંતિમ વાર ઈંટરનેશનલ મુકાબલો ફેબ્રુઆરી 2024માં રમાયો હતો. આ દરમિયાન ભારતીય ટીમનો સામનો ટેસ્ટ ફોર્મેટમાં ઈગ્લેંડ સાથે થયો હતો. જ્યા કોહલીએ ભાગ લીધો નહોતો. એ સમયે કોહલી બીજા બાળકના પિતા બનવાના હતા. એ જ કારણ છે કે તેમણે રાંચી ટેસ્ટમાં ભાગ લીધો નહોતો
જોકે, આ વખતે તે રાંચીમાં ધૂમ મચાવવા માટે તૈયાર છે. તે રાંચી પણ પહોંચી ગયો છે. ફેંસ “કિંગ” કોહલીને પોતાના શહેરમાં જોઈને ખૂબ જ ખુશ છે. એવી અપેક્ષા છે કે મેચ જોવા માટે મોટી સંખ્યામાં ક્રિકેટ ફેંસ સ્ટેડિયમમાં ઉમટી પડશે.
