સોશિયલ મીડિયા પ્લેટફોર્મ વોટ્સએપ, ફેસબુક, ઈન્સ્ટાગ્રામ બુધવારે મોડી રાત્રે અચાનક ડાઉન થઈ ગયું. એવું કહેવાય છે કે મેટા સર્વર ડાઉન હોવાના કારણે આવું થયું છે. આ કારણે લોકોએ અન્ય સોશિયલ મીડિયા પ્લેટફોર્મ પર પોતાની સમસ્યાઓ વ્યક્ત કરી હતી.
એક રીપોર્ટ મુજબ WhatsApp, Facebook અને Instagram લગભગ 10:58 વાગ્યે બંધ થઈ ગયા, જેના કારણે વિશ્વભરના ઘણા વપરાશકર્તાઓની સોશિયલ મીડિયા પ્રવૃત્તિઓમાં વિક્ષેપ પડ્યો. ઘણા વોટ્સએપ યુઝર્સે મેસેજ મોકલવામાં અને મેળવવામાં સમસ્યાઓની ફરિયાદ કરી હતી. સંદેશાઓ, પોસ્ટ્સ અને અપડેટ્સની ઍક્સેસ કાં તો ધીમી થઈ ગઈ હતી અથવા સંપૂર્ણપણે બંધ થઈ ગઈ હતી.
