3 Die From Electric Shock During Immersion Procession: ગોરખપુરમાં વિસર્જન દરમિયાન મોટી દુર્ઘટના થઈ. મળતી માહિતી મુજબ કરંટ લાગવાથી 3 લોકોના મોત થયા જ્યારે કે અનેક લોકો દઝાયાની માહિતી સામે આવી છે. આ દુર્ઘટનામાં 5 લોકોની હાલત નાજુક બતાવાય રહી છે. આ દુર્ઘટના ગુલરિહા પોલીસ સ્ટેશ ન હેઠળ રજહી કૈપના અયોધ્યા પ્રસાદ ચૌહાણ ચાર રસ્તાની બતાવાય રહી છે.
ઘાયલોને બીઆરડી મેડિકલ કોલેજ રેફર કરવામાં આવ્યા છે. દુર્ઘટનાનો ભોગ થયેલા લોકોના પરિવારના લોકો બીઆરડી કૉલેજની સામે જમા થઈને પ્રદર્શન કરી રહ્યા છે. મળતી માહિતી મુજબ પ્રતિમા 11 હજાર વોલ્ટની હાઈટેંશન લાઈનના સંપર્કમાં આવી ગઈ. જેનાથી ટ્રોલીમાં કરંટ ઉતરી આવ્યો. એક રિપોર્ટમાં સાત લોકો દઝાય જવાથી અને બીજામાં લગભગ 10 લોકોના કરંટની ચપેટમાં આવવાની વાત કહેવામાં આવી છે.
ક્યારે થઈ દુર્ઘટના ?
મૂર્તિ સ્થાપન પછી, અયોધ્યા પ્રસાદ ચૌહાણ સમિતિ આજે સાંજે 6 વાગ્યાની આસપાસ દેવી દુર્ગાની મૂર્તિનું વિસર્જન કરવા માટે નીકળી હતી. દુર્ગા મૂર્તિને ટ્રેક્ટર-ટ્રોલી પર વિસર્જન માટે લઈ જવામાં આવી રહી હતી. આ સમય દરમિયાન, મૂર્તિ હાઈ-ટેન્શન પાવર લાઈનના સંપર્કમાં આવી ગઈ.
હાઈ-ટેન્શન પાવર સાથે સંપર્ક થવાથી વીજ કરંટ લાગ્યો, જેના કારણે ટ્રોલીમાં સવાર લોકોને કરંટ લાગ્યો. અકસ્માત બાદ, ઘાયલોને સારવાર માટે બીઆરડી મેડિકલ કોલેજ ખાતે નહેરુ હોસ્પિટલમાં લઈ જવામાં આવ્યા. વહીવટી સ્ટાફ ઘટનાસ્થળે હાજર છે. રાહત અને બચાવ કામગીરી ચાલુ છે.
વીજ પુરવઠો અકસ્માતનું કારણ બન્યો
હંમેશની જેમ, અયોધ્યા પ્રસાદ ચૌહાણ સમિતિએ આ વર્ષે દેવી દુર્ગાની મૂર્તિ સ્થાપિત કરી. નવરાત્રિના સમાપન પછી આજે સાંજે મૂર્તિનું વિસર્જન થવાનું હતું. સમિતિ દ્વારા મૂર્તિને ટ્રેક્ટર-ટ્રોલી પર વિસર્જન માટે લઈ જવામાં આવી રહી હતી.
વિસ્તારનો વીજ પુરવઠો કાપી નાખવામાં આવ્યો હતો. મૂર્તિને વિસ્તારમાંથી બહાર લઈ જવામાં આવે તે પહેલાં જ વીજળી પુનઃસ્થાપિત કરવામાં આવી હતી. આ દુ:ખદ અકસ્માત નોંધાઈ રહ્યો છે.
