Suspicious Foreign Boat- ગુજરાતના સમુદ્રી તટ પર સુરક્ષા એજન્સીઓને મોટી સફળતા મળી છે. Indian Coast Guard (ICG)એ અરબી સમુદ્રમાં ભારતીય જળસીમા અંદર સંદિગ્ધ હલચલ કરતી ‘અલ મુખ્તાર’ નામની વિદેશી નૌકાને પકડી લીધી હતી. તલાશી દરમિયાન નૌકામાંથી મોટી માત્રામાં વિદેશી બ્રાન્ડની સિગારેટો જપ્ત કરવામાં આવી હતી.
કાર્યવાહી દ્વારકા તટથી પશ્ચિમ દિશામાં સમુદ્રના અંદરના વિસ્તારમાં હાથ ધરવામાં આવી હતી. કોસ્ટ ગાર્ડે નૌકાને કબ્જે લઇ તેમાં સવાર ચાર લોકોને ઝડપ્યા છે, જે પ્રાથમિક તપાસમાં ઇરાનના નાગરિક હોવાનું સામે આવ્યું છે.
200 કાર્ટનમાં છુપાવવામાં આવી હતી માલખેપ તપાસમાં ખુલ્યું છે કે નૌકામાં અંદાજે 200 કાર્ટન છુપાવી રાખવામાં આવ્યા હતા, જેમાં લગભગ એક લાખ પેકેટ વિદેશી બ્રાન્ડની સિગારેટો ભરેલી હતી. આંતરરાષ્ટ્રીય બજારમાં આ માલખેપની કિંમત અંદાજે રૂ. 2.5થી 5 કરોડ વચ્ચે ગણવામાં આવી રહી છે.
એજન્સીઓ હવે આ માલખેપ ક્યાંથી લાવવામાં આવી હતી અને ભારતના કયા સ્થળે સપ્લાય કરવાની યોજના હતી તે અંગે તપાસ કરી રહી છે.
પોરબંદરમાં સંયુક્ત પૂછપરછ.
On 21 Feb 26, @IndiaCoastGuard ship intercepted a suspicious foreign boat inside the #Indian #EEZ, approximately 115 NM west of #Dwarka. The vessel, identified as Al Mukhtar, was manned by four #Iranian crew. On rummaging, 200 cartons containing about one lakh packets of foreign… pic.twitter.com/ogALfIKFIp
— Indian Coast Guard (@IndiaCoastGuard) February 22, 2026
જપ્ત કરાયેલી નૌકાને આગળની તપાસ માટે પોરબંદર લઇ જવાઈ રહી છે, જ્યાં વિવિધ એજન્સીઓ સંયુક્ત પૂછપરછ કરશે. અધિકારીઓનું કહેવું છે કે આ કેસના તાર કોઈ મોટા સ્મગ્લિંગ નેટવર્ક સાથે જોડાયેલા હોઈ શકે છે.
ઉલ્લેખનીય છે કે તાજેતરમાં Gujarat Anti-Terrorist Squad (ATS) અને કોસ્ટ ગાર્ડે સંયુક્ત ઓપરેશનમાં ગુજરાત તટ પાસે બે ઇરાની નાગરિકોને સંદિગ્ધ માદક પદાર્થ સાથે ઝડપી પાડ્યા હતા. સતત બીજી વિદેશી નૌકા ઝડપાતા સમુદ્રી સીમામાં સુરક્ષા અને નજરકેદી વધુ કડક કરવામાં આવી છે.
